‏إظهار الرسائل ذات التسميات جمل شقط. إظهار كافة الرسائل
‏إظهار الرسائل ذات التسميات جمل شقط. إظهار كافة الرسائل

السبت، 3 ديسمبر 2011

بيك اب لاينز (جمل التعارف)


بيك اب لاينز او جمل الشقط او التعارف كانت و مازالت لفترة طويلة جزء من الثقافة التظبيطية لأي شباب عاوز يظبط لأنها بتحسن و تجمل من شكل الدخلة الي هي جزء مهم جدا لتهيئة الجو النفسي الي فيه حيتم التواصل لاول مرة بين الولد و المزة...البيك اب لاينز كان طبيعي جدا انها تختلف بين الشعوب و الثقافات و لو ان طبعا فيه سطور و جمل مينفعش تختلف خالص لان مضمونها يمشي علي اي موقف...حاليا الامريكان بطلوا يستعملوها لسبب انها اتحفظت بالنسبة لهم و بقي احسن احسن بيك اب لاين في امريكا دلوقتي هو هاي...ازيك ..عاملة ايه...لكن بما ان في مصر بناتنا طيبين و لسة محفظوهاش كلها ممكن تستعملها و تجيب معاك نجاح ملحوظ...متعتمدش علي البيك اب لاينز كوسيلة لجذب بنت معينة لان زي ما اتفقنا الشخصية هي المعيار...انا عن نفسي عمري ما باستخدم البيك اب لاينز في الدخلة و بفضل الطريقة العادية للتعارف ازيك عاملة ايه انا اسمي كذا....... و لو اني لسة قاري حالا ان في بنات بيحبوا الدخلة المباشرة و نظام انت حلوة اوي بس منصحكش بيها....البيك اب لاينز في مصر معظمها يبقي حلوة اوي في وسط الكلام...بتعمل شوية ضحك و بتطري القعدة بس متكترش منها لأنها زي الملح..كفاية رغي باءة و يلا نلعب بيك اب لاينز